‘A FRISSURATA ‘I PISCI

di Attilio Romano

(L’autore, paolano di nascita, di vita e di sentimenti, poeta, storico e letterato, socio fondatore dei “Tridici canali”, ha recentemente lasciato questo mondo).

Alla curte di Napuli Franciscu

nun stava mai tranquillu e cunsulatu: 

pinzava a tanti genti c’allu friscu

li tinìa lu Re lu sciaguratu.

‘Nta chiddi cafarùni d’u Castieddu

stàvanu, ‘nfatti, certi prigionieri

c’a libbertà vulianu cum’acieddu

e nun vulianu fa li ‘ntrallazzieri.

Cantàvanu, pinàvanu cuntienti,

 ppi diri a tutt’a curti e a chiddu Re

ca di li povarieddi éranu i stienti

e ch’a filicità allu munnu ‘un c’è,

si la ricchizza è ffatta cc’u suprùsu

e llu putìri è fattu cu llu ‘nngannu,

ch’u populu, ch’è ssempre spiranzùsu,

fatìga e lotta pù li fa cc’’u sangu.

E quannu pù na sira ppi’ la cena

‘na frissuràta ‘i pisci hannu purtàta

a San’Mpranciscu chi prigava ‘n pena

dinta ‘na cammirèdda lluminàta,

lu Viecchju chi sapia tutti li fatti 

ha ddittu a chiddi servi sciaguràti

<<Cum’ iju abbivìsciu i pisci ‘nt’i  piatti,

libiràssa llu Re li carcirati! …>>.


Durante la permanenza di Francesco a Napoli, il Re aveva invitato più volte l’ospite alla sua tavola, a pranzo e a cena, ma il Frate non accettò mai.    Il Sovrano, allora, un giorno in cui erano stati preparati degli ottimi pesci fritti per lui, pensò di mandarne un vassoio al povero Calabrese che stava sempre in camera a pregare. Ne ebbe una risposta sorprendente. (Da “ ‘U SANTU NUOSTO” di Attilio Romano)